مسأأجله شعـــريه بين عزوبي ومعرس

[center]مساء الشعر والخيال والرومانسية ...

مسأأجله شعـــريه بين عزوبي ومعرس أعجــبتني و نقلتـــها لــــكم

العزوبي:

قال العزوبي يوم شـاف المعاريـس الرابـح اللـي لاقـعـد مايقـومـي

أول سنـة كـلٍ يبـث الاحاسيـس وثاني سنة تجلب عليـك الهمومـي

وثالث سنة حط الرمـل والمتاريـس لابد مـن حـربٍ تقـوم وتدومـي

لامن دخلـت الـدار لاكنهـا بليـس متلفلـفٍ فـي غاليـات الهـدومـي

تأخذ من المخباة وتسحب من الكيـس وتغيـر الموديـل شـيٍ لـزومـي

وان قلت ما أملك يامره لوهو فليـس قالـت تديّـن لا تكـثـر بلـومـي

ليتك تساعدنـي تصحـح كراريـس زادوا علينا أربع حصص في العلومي

أزوارة في العصر والصبح تدريـس والليـل تصحيـحٍ وودي أنـومـي

تبكي إذا جاها وجع لوهـو ضريـس وتقول أبي دكتـور ماهـو حكومـي

يروح عمرك بين عـرسٍ وتأسيـس واربـع سنيـن والبزاريـن كومـي

وسط المطابخ بين قـز ومحاميـس هـذا صحـن رزٍ وهـذاك ثومـي

والا خلصـت إمنظـفٍ الملالـيـس جتك تقول انهـج نبـي زود لومـي

ولا جبت قالت اكنس الحوش تكنيس خل البلاط يصيـر مثـل النجومـي

ومكرسٍ جهدك من الخوف تكريـس وان نادتك بالصوت اقبلـت مومـي

يجيك تـال الليـل دايـم كوابيـس ويشيبنـك مزعـجـات الحلـومـي

هذي حياة اللي ركض باغي سعـادة ضيع حياة أول وصـار محرومـي

تعيش يالمعـرس حيـاة المحابيـس وشف العزوبي بكل شارع يحومـي

من مفرق جلاجل إلى جوي للخيـس وان حار ح***هم بوسطـه يعومـي

يفرح إذا شاف الوتـر والمراويـس وفي كل يـومٍ كاشـتٍ ومعزومـي

شف العزوبي مايعـرف الهواجيـس ولا يودي حرمته لربعها كل يومـي

يا عنك ماحاش الفخـر والنواميـس الا عزوبـيٍ يـعـرف السلـومـي

اذا اعرس المعرس غدا عندنا هيـس ونزيل اسمه مـن سجـل القرومـي

والـى بغيـت البهذلـة والدحاويـس فأعرس وخلك من عـداد الرخومـي

وش صابكم من عرسكم يا المفاليـس وش استفدتوا غيـر دق الخشومـي

اللي تزوج أشهد انـه غـدا تعيـس والرابح اللـي ماخـذٍ لـه علومـي

ترى عناق العام نطت علـى التيـس والحرعقب العـرس يصيـر بومـي

وهــــذا رد المــــعرس :

قـال العريـس : أنـا الـذي فــي سـعـاده ماني عزوبي ضايق الصدر مهمـوم

مبسـوط مـن مثلـي قعـد عـنـد غــاده مهـوب مثـل اللـي لحـالـه تـقـل بــوم

فـي كــل ليـلـه حـاضـنٍ لــه وســاده وانـا مـع المزيـون فـي غرفـة النـوم

أنــا اشـهـد انــه عـايـشٍ فــي قــراده يــروح عـمـره مــا تـهـنـى ولايـــوم

الـــى دخـــل للـبـيـت يـبـلـش بـــزاده يقـعـد يقـطّـع لــه طـمـاطٍ مـعـه ثــوم

ولا قضى عقب العصـر مـن عـداده والحوض من كثر المواعين مزحوم

والــى غسـلـهـن ثـــم فـــك الـســداده دلــى يغـسـل لــه سـراويـل وهـــدوم

وان ماطـبـخ روّح لمـطـعـم حـمــاده والا قعـد فـي منزلـه واعلـن الصـوم

وان جـاه ضيـفٍ بـاغـيٍ لــه رفــاده يــروح يـشـري رز وايــدام ولـحـوم

مـا يعـرف الشمـبـو وراســه عــراده وشمغـه مـن الـكـواي مليـانـه رقــوم

مــا يكـنـس الفـرشـه ويـلـقـط بـــداده امـــا بـقـايـا رز او خــبــز مــعــروم

عـنــده صـراصـيـرٍ بـحـاجـه ابـــاده تسرح وتمرح في الغرف دايم الدوم

يـجـمـع قـروشــه ويتـسـلـف زيـــاده حتـى يسافـر مصـر او ديـرة الــروم

او راح يـــم الـتــاي وتـــرك بـــلاده نـاظـر جــوازه ممتـلـي كـلـه خـتــوم

لـــه مـوتــر خـــرده كـثـيـر فــســاده في كل يومٍ فـي الاشـارات مصـدوم

غـمـارتـه تــقــول ورشــــة حــــداده ومريقـده فــي شنطـتـه دوم مـحـزوم

دوم يـتـنـقـل تــقــل كــنــه جـــــراده فـي كـل يـومٍ نــازل لــه عـلـى قــوم

يسهـر والـى قـام الظهـر مـن رقــاده روّح على شغله والى اليوم مخصوم

يــذي بـنـات الـنـاس يـبـغـي مـــراده في كل يومٍ زاهـمٍ لـه علـى ( هـوم )

اراه مـايــعــرس ويــقـــدح زنـــــاده يترك بنات الناس ويصيـر معصـوم

يـلـقـى هـنــوفٍ تـخـدمـه مــثــل داده ويصيـر رجّــالٍ ويسـلـم مــن الـلـوم

يفـرح الـى مـن قـرب وقـت الـولاده ويصير معنى العرس بالحيل مفهـوم

يــشــوف أولاده ومـعــهــم شــهـــاده قبـل الوفـاة وقـولـة الـنـاس مـرحـوم

وأخــــــــــيراً صـــدق عبدالله رويشد بأغنيته مع أبو بـــــكر يوم قــــــــــ ال ما في أحد مرتــــــــــــــاح

ههههههههههههههههههه
صراااااااااااحه ابداااااااااااع

مشكووووور

وتقبل مروري

مشكوره اختي على المرور الطيب

ونشالله اعجبتك

تحاتي

هههههههههه :"

تسلم ؟..

مررره الشعر محشش

لا عدمنا ابداعك " اخوي

مشكو على ردود الحلو

ههههههههههه

مشكوووور على القصيده ولاهنت على الطرح الحلو ياحلو

تـــســــــلـــــــمــــ عــلى الــمرور السريع ماشاء الله توني منزل الموووضوع الا ردك جنبه

هذا واجبي يالغلا

اذا ماريت عليك من بردعليه

مشكور اخوي على المورور

وتعبناك معانا